O nome da bitácora

Hai que dar unha explicación sobre o nome desta bitácora. Eu tiña tres mosqueteiros de nome Chesper, Bili e Lasca. Eran os cans da miña casa e morreron os tres entre xaneiro e febreiro de 2007. A miña cadeliña Lasca non tiña que morrer, era moi nova e aínda lle quedaban moitos brincos que dar. Púxelle de nome Lasca por que era tan pequena cando chegou a casa que ben parecía unha lasquiña, un pedaciño de can que caera doutro, como as lascas caen do núcleo de sílex. Algunhas desas lascas cando se percutía a pedra eran ben fermosas e tiñan unha finalidade ben concreta. A miña cadeliña tivo unha finalidade ben concreta, deulle felicidade a esta casa durante todos os días da súa vida. Non a imos esquecer.